]]>]]>
手作仔嘅精髓, 在於即使同款式同質料, 但每件作品都唔會一模一樣, 睇吓橙餅同pink lady就知啦!
]]>
做過大中細size嘅熊仔, 整中size比較快同易, 決定做對twins. 一次過裁2種布, 交換耳朵手板腳板就得喇!
]]>
上次整咗黑波點覺得好靚, 記得有塊紅色嘅同款布, 整埋佢可以襯成一對, 有盤啦!
]]>
今次用最細嘅紙樣整咗隻迷你熊, 細細粒真係好可愛, 雖然細隻啲縫得快啲, 不過比起大size嘅熊更難整.
]]>
用同一個紙樣整咗6隻熊仔啦, 想繼續整但係想轉吓款, 搵到本整熊仔書copy咗啲新紙樣. 用做大毛剩番嘅毛布整小毛, 試吓手板同腳板用另一種布做, 都唔錯喎!
]]>
好鍾意呢塊波點布, 覺得用佢嚟整熊仔應該會幾型, 果然唔錯喎!
]]>
12月尾收到一齊喺日本讀書嘅台灣好朋友C郵寄俾我嘅賀年咭, 真係開心到不得了, 於是即刻整咗格仔男越洋送俾佢, 加埋佢鍾意嘅Hello Kitty牌仔, 友誼永固呀!
]]>
之前買咗塊白色嘅皮, 質感好但唔知用嚟整咩好, 試吓整熊仔, 嘩, 塊皮好硬縫到手都痛, 不過出嚟嘅效果好好, 小皮氣入型入格, 唸落都值得嘅, 不過佢好可能係我唯一嘅皮製熊仔喇!
]]>
呢塊布係由我件古著衫剪出嚟嘅, 件衫唔想再著但又覺得塊布幾靚, 咁最好就係學日本環保手作法, 將塊布循環再用.
]]>
一睇見呢塊花布就唸起我嘅插畫家好朋友Miss B, 所以整咗阿花送俾佢做聖誕禮物, 加埋條鑽石帶襯哂佢呢個落難公主, 咁獨一無二嘅手作仔佢梗鍾意啦!
]]>
前排搵番好幾年前去學整熊仔剩番嘅一份紙樣同毛毛布, 開頭只係唸住唔好嘥的起心肝整埋佢, 點知一發不可收拾, 依家已經整到11哥啦!
]]>
鍾意一樣嘢真係好似上癮咁, 創作對於我嚟講就係啦, 整完一件再嚟一件, 好玩到停唔到呀!
]]>
喺日本睇咗好多手工藝書, 去咗好多自家創作嘅舖頭, 吸收新意念之餘亦激發起我嘅創意, 喺嗰邊已經好手痕, 唸住返香港就即刻開始新一輪嘅創作, 返咗嚟兩個禮拜, 今日終於出手啦!
]]>