今朝一早起身食早餐執好哂行李, 之前喺池袋Metropolitan酒店買咗今日下晝2點嘅機場巴士飛, 預早d11點出門口, 個喼同手提都好重好難行. 先去酒店寄存行李然後去東武西武買Vivienne Westwood毛巾仔我同Rita都有份, 去哂兩度因為d款有d唔同, 全部都好靚所以揀咗好耐.

可能唔係繁忙時間所以條路好順, 唔駛個半鐘就到咗機場, 西北航空呢邊閘口比較少人check-in過關都好快.

入到去先行咗d手信店搵Royce朱古力薯片, 行勻哂好在有一間有得賣, 之後坐喺候機室寫blog等上機. 記得上年嚟東京走嗰陣仲有幾個字至起飛, 我喺度買緊朱古力薯片突然聽到last call叫我個名, 嚇到我即刻飛跑去閘口. 原來日本興未到起飛時間但齊人就開機, 真奇怪! 所以今次穩陣d買完嘢坐低等好過.

除咗掛住屋企人同朋友之外, 仲好掛住好味嘅奶茶同飲茶, 就嚟返到香港喇, 一定要食個夠至得!