聽日就返香港喇！本來都有唸過今日仲出唔出街，不過自己比較穩陣又唔鍾意咁趕，所以都係留喺宿舍執吓行李睇吓電視就算喇！
好在宿舍有個磅，擺咗９成嘢入喼其餘唸住手提，點知磅一磅個喼成２５ｋｇ咁重，要執番５ｋｇ出嚟手提，真係拎到手軟！
之前行過宿舍附近嘅藥房，見到有ｄ化妝品做緊折，所以下晝去咗揀唇膏唇彩．好在對其他化妝品興趣不太，如果唔係又一大堆．
最後一次去超市買嘢，之前差唔多隔兩三日就嚟一次，買嚟買去都係牛奶雞蛋粟米片香蕉菜麵壽司，今日淨係買壽司做晚餐同聽朝早餐麵包，咁就結束呢段艱苦嘅買餸煮飯生涯喇！
